Artists: Ragnheiður Ingunn

Ragnheiður Ingunn er keramikhönnuður sem hefur lengi verið viðloðandi það fag. Hún er lærður myndlistarmaður og hönnuður, lauk Mastersgráðu í Iðnhönnun árið 1998 í Domus Academy í Mílanó á Ítalíu og fékk Diploma í Myndlist árið 1991 við L’école des Arts Décoratifs í Strassborg í Frakklandi.

Hún hefur haldið einkasýningar og tekið þátt í fjölda samsýninga á Íslandi og erlendis. Verk hennar vísa í senn til hversdagslegra hluta og náttúrulegra forma, fyrirbæri úr frumformum jarðarinnar og þjóðtrúar, eftirmyndir með nýtt hlutverk í samtíðinni. Í mótun verkanna er örfínn þráður á milli náttúrulegra og menningarlegra þátta. Litirnir í verkunum kalla fram áferð litbrigða náttúrunnar, sem eru óteljandi og alls ekki eintóna. Allt frá óttalegum og fjandsamlegum eða eins og óspillt uppspretta undir köldum klaka.

„Ég leik mér á jaðri handverks og iðnaðar, ekkert af verkum mínum eru nákvæmlega eins. Ég leyfi handverkinu að njóta sín. Ég vil að það sjáist að hlutirnir eru handgerðir, hvort eru renndir, steyptir eða handmótaðir.“

Ljósmynd: Hallur Karlsson

Vefsíða/Instagram