Listafólkið okkar: Selma Björk Kristjánsdóttir

Selma Björk Kristjánsdóttir er sjálfstætt starfandi hönnuður og
myndskreytir og er búsett í Svíþjóð með fjölskyldu sinni. Selma er fædd og
uppalin í Kópavogi en flutti árið 2016 til Svíþjóðar þar sem hún útskrifaðist með
BA gráðu í Visual Communication með áherslu á teikningu.
Allskonar líkamar og náttúra kemur oft fyrir í teikningum og málverkum Selmu
og hún tekur innblástur frá eigin reynslu og tilfinningum í list sinni.
Selma málar með vatnslitum, akrílmálningu, bleki og einnig stafrænt.