Listafólkið okkar: Herdill

Herdill er listakona búsett í Reykjavík fædd 1999. Hún hefur stundað listnám síðan hún var barn, meðal annars við Myndlistaskólann í Reykjavík og MyndAk en hún útskrifaðist af myndlistarbraut Fjölbrautaskólans í Breiðholti 2019 og stundar núna nám í myndlistardeild Listaháskóla Íslands. Hún vinnur mest með olíumálningu en hefur verið að fikta við tölvuteikningar og myndskreytingar síðastliðið ár. Hún vinnur mikið með viðfangsefni sem eru mjög líkamleg og/eða sálræn og hluti sem eiga djúpar rætur í mannlegu eðli. Hún vinnur líka í gegnum sínar eigin tilfinningar og reynslu í sinni listsköpun og leitar oft djúpt í sinn eigin skugga í leit að innblæstri.